Aksionet e kompanive të lidhura me inteligjencën artificiale kanë pësuar rënie të ndjeshme në tregjet globale pasi drejtues të disa prej laboratorëve më të avancuar të AI-së kanë paralajmëruar për rreziqet e zhvillimit shumë të shpejtë të kësaj teknologjie.
Dario Amodei, CEO i Anthropic, ka bërë thirrje që kompanitë e AI-së të ngadalësojnë ritmin e zhvillimit për shkak të shqetësimeve mbi keqpërdorimin e sistemeve të avancuara. Thirrjen e tij e kanë mbështetur edhe Elon Musk dhe CEO i OpenAI, Sam Altman.
Pas këtyre deklaratave, kompanitë e mëdha të çipave dhe teknologjisë, përfshirë Nvidia, AMD dhe Micron, kanë regjistruar rënie në bursë. Investitorët druhen se një zhvillim më i ngadalshëm i AI-së mund të reduktojë investimet e mëdha në çipa dhe qendra të të dhënave.
