Autortietet në Greqi kanë ngritur alarmin, pas rasteve të shumta të raportuara me salmonelë në Lamia. Kryetari i këshillit shkencor të Organizatës së Shëndetit Publik Helenik, Theodoros Vasilakopoulos, foli sot për situatën, duke thënë se “mënyra për ta ndaluar është të mos hash asgjë nëse ka pulë për 2-3 ditë”. Ai madje vlerësoi se do të ketë edhe raste të tjera, duke theksuar se nuk ka nevojë për panik.
“Meqenëse do të ketë më shumë raste derisa kjo të mbarojë, nuk ka nevojë për panik. Derisa të jemi të sigurt se çfarë ka ndodhur dhe të dokumentohet, le të mos konsumohet më pulë në Lamia”– tha ai.
Duke shpjeguar pse priten raste të reja, ai tha se periudha e inkubacionit është 3-4 ditë, kështu që dikush mund ta ketë konsumuar sasinë dhe të ketë zhvilluar simptoma më vonë”. Kryetari i këshillit shkencor të Organizatës së Shëndetit Publik Helenik ia atribuoi numrin e pacientëve të shtruar në spital ndjeshmërisë së shtuar të mjekëve ndaj rasteve të diagnostikuara me salmonelë për shkak të publicitetit që i është dhënë rastit.
“Qytetarët e Lamias mund të jenë të sigurt se në një periudhë të shkurtër kohore do të jenë në gjendje të hanë pulë pa frikë”, përfundoi Theodoros Vasilakopoulos.
