Bajram Rexhepi ka dërguar një mesazh të fuqishëm për mërgatën shqiptare, duke theksuar rolin e saj të pazëvendësueshëm në ndërtimin e Tetovës së së kaluarës, të tashmes dhe të ardhmes.
“Mërgata jonë ka ndërtuar këtë vend dhe mbetet pjesë e pandashme e së kaluarës, së tashmes dhe së ardhmes së Tetovës. Tetova nuk mund të ndërtohet pa ju, mërgatën tonë të çmuar!”, thekson Rexhepi në thirrjen e tij publike.
Duke paralajmëruar një takim të hapur me bashkatdhetarët, ai shton se ndryshimi nuk njeh kilometra, por kërkon vullnet, zemër dhe qëllim të pastër.
Rexhepi do të prezantojë planin konkret #PërTetovënERe në një bashkëbisedim me mërgatën, ku fton të gjithë të kontribuojnë me ide, mendime dhe dashuri për qytetin.
Ngjarja do të mbahet të shtunën, më 09 gusht 2025, në Restorant TROKADERO – Tetovë, me fillim në ora 14:00.
“Të gjithë ju që e doni Tetovën, jeni të mirëpritur!” – është mesazhi përmbyllës i Bajram Rexhepit.
