Kryetari i Alternativës, Zeqirja Ibrahimi përmes një postimi në profilin e tij në FB ka akuzuar BDI-në se po ndërhynë në subjektet tjera për ti përçarë, madje në postimin e tij ai pranon se BDI-ja kishte ndikuar edhe në ndarjen e tyre me Lëvizjen Besa në vitin 2018 kur Ibrahimi ishte protagonisti kryesor që aso kohe theksonte senuk e gjenë dot kryetarin Bilall Kasami që të jep dorëheqje si nënkryetar i partisë, shkruan Top24
“Në vitin 2018, ish nënkryetari i Lëvizjes Besa, Zeqirja Ibrahimi në dorëheqjen e tij kishte dërguar porosi ish kryetarit të tij se askush në Besë nuk është i pazëvendësueshëm dhe se mbetet jashtë garës për kryetar të Lëvizjes Besa.”
Postimi i sotëm i Zeqirja Ibrahimit:
Politika që suksesin e vet e projekton në përçarjen e partive të tjera, përveçse në vetvete dëshmon boshllëk nga çdo ideologji, kauzë, program e moral politik, kështu përdëfton edhe se mendësia enveriste e “vrasjes” së kundërshtarëve është aktive edhe sot e gjithë ditën. Dikur “Enveri ynë” i vriste realisht, ndërsa sot “Enveri ynë” i vret duke i përçarë.
Më 2018 këtë sulm e pësoi Besa, më 2022 edhe AlternAtivA, ndërsa më 2024 dhe 2025 këtë po e vuan Aleanca për Shqiptarët.
Por, populli ka thënë “Mos ia bën gropën tjetrit, sepse mund të biesh vet!”. Kësaj politike përçarëse dhe “vrasëse” po i vjen fundi. Në tetor nuk do ta kremtojmë vetëm fitoren në zgjedhje lokale, por edhe fitoren ndaj enverizmit antishqiptar që metaforizohet me krim e korrupsion.
https://almakos.com/doreheqjet-te-besa-mblidhet-keshilli-qendror-i-partise/
