Koncerti i organizuar nga Rame Lahaj & Friends pati si protagonist artistë të njohur ndërkombëtarë të skenës operistike, duke ofruar një performancë magjepsëse që do të kujtohet gjatë.
Nën udhëheqjen e dirigjentit të shquar Pier Giorgio Morandi, sheshi u mbush me emocione të fuqishme gjatë interpretimit të këngëve të mëdha të operës nga një ansambël i shkëlqyer artistësh.Ramë Lahaj, tenori shqiptar me famë botërore, dha një shfaqje mjeshtërore me zërin e tij magjik, duke dhënë emocionet e thella të këngëve shqiptare dhe operave klasike botërore.
Alessandro Safina, tenor i suksesshëm i pop-operës italiane, i cili ka lënë gjurmë të pashlyeshme në muzikën klasike, Massimo Cavalletti, bariton, i cili ka pushtuar me shpejtësi shtëpitë më prestigjioze operistike dhe festivalet ndërkombëtare të operës, Julia Suleimanova, e cila është një nga këngëtaret më premtuese të brezit të saj.
Lahaj është më shumë se një tenor i famshëm, ai është një ambasador i kulturës dhe muzikës shqiptare në skenën ndërkombëtare.
Përveç punës së tij muzikore të shkëlqyer, Lahaj ka angazhuar veten në zbulimin dhe promovimin e talenteve të rinj, duke vënë Kosovën në hartën botërore të kulturës dhe muzikës.
