Këngëtarja e njohur e muzikës popullore, Lule Mustafa, ka lançuar një projekt të ri muzikor që ngjall emocione të thella dhe reflektim mbi historinë tonë kolektive.
Ajo ka vendosur të rikrijojë një nga këngët më të njohura të repertorit të saj, e cila është kushtuar refugjatëve, duke sjellë në vëmendje nostalgjinë dhe ndjenjat e forta te publiku.
Në një postim të fundit në llogarinë e saj në Instagram, Lulja, motra e vogël e Motrave Mustafa, ndau detaje rreth këtij projekti. Ajo theksoi se kjo këngë ishte e paraqitur nga motrat e saj 28 vjet më parë, në një periudhë të vështirë për popullin shqiptar, e cila vazhdon të mbetet e paharruar në kujtesën e të gjithëve.
Lulja shprehu se ky version i ri është krijuar me një respekt të veçantë për kujtimet, sakrificat dhe historinë që ky projekt përfaqëson. Ajo e përshkroi këngën si një dëshmi të gjallë dhe një kujtesë për ata që e përjetuan atë periudhë të vështirë në të kaluarën.
Ky projekt ka marrë menjëherë një mirëpritim të ngrohtë nga adhuruesit e muzikës së Motrave Mustafa, duke shërbyer si një nderim i rëndësishëm për të gjithë refugjatët. /Prive By Liberta Spahiu
