Ministri i Jashtëm Wang Yi ,gjatë një fjalimi të mbajtur në simpoziumin e politikës së jashtme në Pekin, nënvizoi qëndrimin e Kinës si një forcë për paqe, unitet, hapje, drejtësi dhe përfshirje.
Lidhur me çështjen e krizës në Ukrainë, ai u shpreh se Kina ka mbajtur vazhdimisht një qëndrim objektiv dhe të paanshëm, duke mbrojtur në mënyrë aktive paqen dhe negociatat.
Duke vënë në dukje se konflikti i Gazës ka marrë shumë jetë njerëzish, Wang tha se përparësia urgjente është një armëpushim gjithëpërfshirës dhe ndërprerja e armiqësive. Fokusi kryesor mbetet sigurimi i ndihmave humanitare dhe zgjidhja themelore është realizimi i zgjidhjes me dy shtete.
Kina do të jetë një forcë për paqen, tha Ministri i Jashtëm, teksa i bëri thirrje administratës së ardhshme amerikane që të marrë vendimet e duhura, të punojë me Kinën në të njëjtin drejtim, të eliminojë ndërhyrjet, të kapërcejë pengesat dhe të përpiqet për një zhvillim të qëndrueshëm dhe të shëndetshëm të marrëdhënieve Kinë-SHBA.
Gjithashtu do të promovojë marrëdhëniet Kinë-BE për të ecur vazhdimisht përpara në rrugën e pavarësisë, arritjeve reciproke dhe përfitimit global, shtoi ai.
