Dhjetë policë u plagosën dhe gjashtë persona u arrestuan sot në Bullgari, pasi mbështetësit e partisë së pakicës pro-ruse protestuan dhe u përpoqën të sulmonin ndërtesën e Komisionit Evropian dhe Parlamentit Evropian në kryeqytetin e Bullgarisë, Sofje.
Protestuesit hodhën bojë të kuqe në fasadën e ndërtesës dhe u përpoqën t’i vënë zjarrin derës, tha transmetuesi publik Radio Kombëtare Bullgare.
Nënkryetari i drejtorisë rajonale të Sofjes në Ministrinë e Brendshme, Stefan Ivanov, tha në një konferencë shtypi pasditen e 22 shkurtit se përleshja në ndërtesën e KE dhe PE kishte filluar pasi dikush bërtiti përmes megafonit: “Lufta duhet të fillojë”.
Kjo u pasua nga hedhja e fishekzjarrëve dhe vezëve si dhe tullumbace të mbushura me bojë të kuqe. Ivanov tha se përderisa kishte pasur leje për protestën jashtë BNB-së, marshimi drejt ndërtesave të BE-së nuk ishte sanksionuar.
“Ne ridrejtuam forcat, kishim ndërtuar kordonë dhe kishim marrë të gjitha masat për të siguruar vetë ndërtesën,” tha ai. “Me të mbërritur në vendngjarje ka pasur një provokim nga protestuesit, punonjësit e policisë nuk kanë bërtitur asgjë dhe nuk kanë treguar se mund të ndodhte një provokim i tillë nga ana jonë”.
Ganev pretendoi se një deputet, Ivailo Chorbov, ishte në mesin e të arrestuarve dhe një tjetër, Nikola Dimitrov, ishte dërguar në spital.
Ky nuk është incidenti i parë në ndërtesat e KE dhe PE në Sofje, ku përfshihet Vuzrazhdane. Siç raportojnë mediat bullgare, pjesëmarrësit në të ashtuquajturin “Marshimi për Paqe” hodhën bojë të kuqe në ndërtesë në maj 2023.
