Juventusi kualifikohet me lehtësi në çerekfinale të Kupës së Italisë. Bardhezinjë fituan me rezultat tenisitik ndaj Salernitanës në “Allianz Stadium”, ku “festivalin” e golale, në fakt, e hapën miqtë fiks pas një minutë loje.
Mirëpo pas këtij momenti Juventusi e mori shumë seriozisht ndeshjen, duke shënuar dy herë në pjesën e parë e katër herë në të dytën, për rezultatin final 6-1.
Në çerekfinale të Kupës së Italisë “Zonja e Vjetër” do të përballet me Frosinonen, takim që do të luhet më 11 janar, në “Allianz Stadium”.
Golat
Ndodh ajo që nuk pritej në “Allianz Stadium” të Torinos në ndeshjen Juventus – Salernitana, e vlefshme për kualifikimin në çerekfinale të Kupës së Italisë.
Kur po mbyllej minuta e parë, një gabim në mbrojtjen e bardhezinjve i dha mundësi sulmuesit kamerunas Ikwuemesi të zhbllokonte takimin.
Megjithatë, epërsia e miqve zgjati pak, pasi në minutën e 12-të barazon Miretti.
Cambiaso realizoi golin e dytë për Juventusin në minutën e 35-të.
Dominimi i bardhezinjve u reflektua me golin e tretë të shënuar nga Rugani në të 54-tën.
Bonn detyrohet ta dërgojë topin në portën e tij, 4-1.
Nuk ndalet Juventusi, Yildiz spekakolar me veprimet e tij dhe golin e shënuar, 5-1.
Tjetër gol i mrekullueshëm nga bardhezinjtë: Ueah shkarkon ta djathtën nga një distancë e largët e lë të palëvizur portierin, 6-1.
