Pas fitores me nokaut ndaj Kristian Prengës, Anthony Joshua dhuroi një moment simbolik në ring, duke kërkuar një flamur shqiptar dhe duke e ngritur atë në fund të duelit.
Joshua fitoi me nokaut në raundin e dytë, pas një dueli dramatik ku Prenga e befasoi në raundin e parë, duke e vënë disa herë në vështirësi britanikun dhe duke i dhënë atij një nga momentet më të vështira në ring.
Megjithatë, eksperienca e Joshuas bëri diferencën. Në raundin e dytë, ai reagoi, mori kontrollin e sfidës dhe me një seri goditjesh të sakta e dërgoi Prengën në tapet, duke detyruar arbitrin të ndërpresë përballjen.
Pavarësisht humbjes, Kristian Prenga la një përshtypje të fortë me paraqitjen e tij, ndërsa Joshua, përveç fitores, zgjodhi ta mbyllte mbrëmjen me një mesazh respekti për kundërshtarin shqiptar.
