Realisht ka probleme në BDl, por është mirë që po diskutojmë për dallimet politike, kështu deklaroi sot për “Utrinski Brifing” deputeti i Bashkimit Demokratik për Integrim, Izet Mexhiti. Ai tha se Ali Ahmeti pritet që edhe shumë vite të jetë në krye të integristëve.
“Kongresi i rregullt i BDl-së u mbajt vitin e kaluar dhe Ahmeti u zgjodh unanimisht për kryetar. Ai pritet të jetë kreu i partisë për shumë vite të tjera, nuk kemi dilema për këtë”, tha Mexhiti.
Mexhiti gjithashtu ka komentuar sjelljet e Artan Grubit, i cili sipas tij po luan rolin e kryetarit të Bashkimit Demokratik për Integrim.
“Ne duam t`ia lehtësojmë pak z.Grubit. Është kapur të luaj rolin e kryetarit të BDl-së. Duke qenë se ai erdhi vonë, ka nevojë për kohë që të përshtatet dhe nuk mund të bëj të gjitha punët në të njëjtën kohë. Duhet të punojmë si ekip, t`i ndajmë detyrat”, tha mes tjerash Mexhiti.
