Udhëheqësi rebel i Sirisë ka thënë se do të publikojë një listë të ish-zyrtarëve të lartë “të përfshirë në torturimin e popullit sirian” dhe u zotua të ndjekë “kriminelët e luftës” dhe t’i mbajë ata përgjegjës.
“Ne do të ofrojmë shpërblime për këdo që jep informacion rreth oficerëve të lartë të ushtrisë dhe sigurimit të përfshirë në krime lufte”, tha lideri rebel Abu Mohammed al-Jolani, i cili tani përdor emrin e tij të vërtetë Ahmed al-Sharaa, në një deklaratë në Telegram, transmeton Klankosova.tv.
Udhëheqësi i grupit Hayat Tahrir al-Sham (HTS) filloi diskutimet me qeverinë e rrëzuar për transferimin e pushtetit të hënën, një ditë pasi aleanca e tij opozitare rrëzoi në mënyrë dramatike presidentin Bashar al-Assad pas dekadash sundimi brutal. Kryeministri Mohammed al-Jalali i tha televizionit al-Arabiya se kishte rënë dakord t’i dorëzonte pushtetin “qeverisë rebele të shpëtimit”, shkruan The guardian, transmeton Klankosova.tv.
Luftëtarët rebelë thanë se kishin gjetur rreth 40 trupa që bartnin shenja torture brenda një morgu spitalor pranë Damaskut të hënën, raportoi AFP.
