Vendimi i Këshillit të Komunës së Tetovës në shtator të vitit të kaluar, me të cilin stadiumi i qytetit të Tetovës iu caktua në shfrytëzim të përhershëm Ndërmarrjes Publike “Tetova Transport”, është i kundërligjshëm, thotë Darian Sotirovski, banor i qytetit dhe aktivist civil.
Pretendimi i tij bazohet në faktin se stadiumi i cili është pronë shtetërore i është caktuar Komunës në përdorim të përhershëm në vitin 2015, ndaj sipas ligjit kompetencën e dhënies së të drejtave të përdoruesit e ka vetëm Qeveria, prandaj pushteti vendor nuk mund ta ndryshojë, as ta shkatërrojë atë.
Sotirovski thekson se mungon edhe dokumentacioni i nevojshëm, për këtë arsye ka paraqitur ankesa në Gjykatën Kushtetuese, si dhe në Prokurorinë e Shtetit, e cila i ka konfirmuar pretendimet e tij.
Sotirovski thotë se nëse qytetarët do të ishin të zëshëm, avokatët më këmbëngulës dhe institucionet të kujdesshme dhe të përditësuara, prona shtetërore nuk do të mund të shkatërrohej në mënyrë të pakthyeshme.
Për pretendimet e bëra, Telma përmes postës elektronike ka kërkuar mendim nga Komuna e Tetovës, por nuk kanë marrë përgjigje.
Danijela Bilbiloska
https://telma.com.mk/2024/05/17/nezakonski-se-gradi-nov-stadion-vo-tetovo-imotot-e-na-drzhavata-a-ne-na-opshtinata/
