Myftiu i Gostivarit, Shaqir Fetahu, myftiu i Tetovës Qani Nesimi dhe ish imami i fshatit Straçincë të Shkupit, Muharem Emini i kanë dorëzuar kandidaturat për zgjedhjet e Bashkësisë Fetare Islame për reis ulema, njofton.
Zgjedhjet do të mbahen nesër në ora 10 e gjysmë, në të cilën do të votohet për kryetarin e ardhshëm të BFI-së.
“Mbledhja ka dy seanca, në atë të parën bëhet verifikimi i kandidaturave, verifikimi i trupit zgjedhor, pastaj ka pauzë dhe më pas vjen paraqitja e platformave të kandidatëve dhe më në fund do të mbahet zgjedhja”, thotë për Portalb.mk, Selver Xhemaili, shef i Kabinetit të reisit.
Sipas nenit 36 të Bashkësisë Fetare Islame të RMV-së, Rijaseti i BFI-së e propozon, zgjedh dhe shkarkon Reis ul Ulemanë. Për Reis ul Ulema mund të propozohen dhe të zgjedhjen personat të cilët kanë të kryer fakultete islame, që kanë përvojë pune të suksesshme dhjetëvjeçare në radhët e BFI-së dhe kanë moshë mbi dyzetvjeçare.