Komandanti i Forcave të SHBA-së për Evropën dhe Afrikën, gjeneral Kristofer Kavoli, sot po qëndron sot për vizitë pune në Republikën e Maqedonisë së Veriut, gjatë së cilës ai pati takime të ndara me ministren e Mbrojtjes Radmilla Shekerinska dhe gjeneral-nënkolonelin e Shtatmadhorisë Vasko Gjurçinovski.
Siç kumtoi Ministria e Mbrojtjes, Shekerinska e informoi gjeneralin Kavoli se integrimi ushtarak i Maqedonisë të Veriut në NATO po vazhdon sipas planit dhe pritet të përfundojë deri në fund të këtij viti. Ajo e falënderoi për angazhimin e njësisë së inxhinierisë të Armatës së SHBA-së në përgatitjen e poligonit “Krivollak” për stërvitjen e “Godita Vendimtare 21”, e cila aktualisht po zhvillohet në poligon.
“Zhvillimi i “Krivollak” është qëllim i përbashkët, mbi të cilin Armata e Maqedonisë të Veriut dhe Armat e SHBA-së po punojnë si aleatë”, tha ministrja.
Anëtarësimi i Maqedonisë të Veriut në NATO dhe hapja e negociatave me Bashkimin Evropian janë thelbësore për sigurinë dhe stabilitetin në rajon, u theksua në bisedimet.
Takimi u përqëndrua në rëndësinë e zhvillimit të bashkëpunimit rajonal në mes Aleatëve dhe nevojën për të zgjidhur mosmarrëveshjet brenda familjes euro-atlantike sa më shpejt të jetë e mundur si pjesë e një angazhimi për sigurinë e përbashkët.
Në takimin me shefin e Shtatmadhorisë së Armatës së Maqedonisë të Veriut Vasko Gjurçinovski dhe disa nga gjeneralët e Armatës, gjeneralit Kavoli iu prezantuan me aktivitete në lidhje me procesin e integrimit tonë të plotë ushtarak në NATO, angazhimin në operacionet paqeruajtëse të drejtuara nga NATO dhe përgatitjen për aftësinë e plotë operacionale të Grupi i batalionit të këmbësorisë së lehtë.
Në këtë kontekst, thuhej në kumtesë, bëhej fjalë për forcimin e bashkëpunimit të ndërsjellë dhe pjesëmarrjen në aktivitetet e stërvitjes të udhëhequr nga komanda e Forcave të SHBA-së për Evropën dhe Afrikën, përfshirë stërvitjen ”Goditja Vendimtare 21” si pjesë e stërvitjes “Defender Europe 21”.
Gjenerali Kavoli theksoi se përparimin intensiv integrues të zbatuar nga Armata pas anëtarësimit të plotë në NATO, më pas duke theksuar se është rezultat i gatishmërisë dhe përpjekjeve të shkëlqyera të Armatës dhe Ministrisë.
“Me pjesëmarrjen dhe kontributin e saj në misionet e NATO-s dhe sigurinë rajonale, Maqedonia e Veriut është një shembull për të gjithë rajonin”, tha Kavoli, kumtoi Ministria e Mbrojtjes.
