Zëvendëskryeministri dhe ministër i Transportit Aleksandar Nikolloski sot zhvilloi takim pune me ambasadorin e Austrisë, Martin Pamer, me të cilin diskutuan për zbatimin e projekteve kapitale, përmirësimin e infrastrukturës dhe pjesëmarrjen e Maqedonisë si partner i barabartë në forcimin dhe stabilizimin ekonomik të rajonit, informuan nga ministria e Transportit.
Gjithashtu, në takim u diskutua edhe për projektin e hekurudhës së shpejtë në Korridorin 10, përfitimet e zbatimit të këtij projekti rajonal dhe gatishmëria e Austrisë për t’u përfshirë në të.
Të dy folësit diskutuan edhe për përmirësimin e bashkëpunimit në sektorin rrugor, trafikun ajror dhe sektorët me interes të përbashkët për të dyja vendet.
Në takim u konfirmuan marrëdhëniet e mira dypalëshe, me theks të veçantë në zhvillimin e lidhjeve ekonomike. Bashkëbiseduesit takim e shfrytëzuan për të diskutuar edhe për rritjen e këmbimit tregtar dhe forcimin e bashkëpunimit rajonal.
