Fundi i fazës së grupeve të Kupës së Kombeve të Afrikës përcaktoi 16 skuadrat e raundit të ardhshëm, duke prodhuar edhe surpriza të mëdha.
Vëmendje të veçantë ka tërhequr kualifikimi i Sudanit, i cilësuar nga shumëkush si një “mrekulli sportive”.
Të njohur si “Krokodilët e Nilit”, sudanezët arritën të kalojnë grupin pavarësisht dy humbjeve pa shënuar gol dhe një diference golash negative prej -4.
Fitorja e vetme dhe vendimtare erdhi ndaj Guinesë Ekuatoriale me rezultatin 1-0, falë një autogoli të mbrojtësit të Torinos, Koko.
Në mënyrë paradoksale, Sudani është kualifikuar për raundin e radhës pa pasur asnjë lojtar të vetin që të shënojë gol në fazën e grupeve, duke e bërë historinë e tyre edhe më të veçantë.
Tashmë vëmendja zhvendoset te ndeshjet eliminatore, ku çdo gabim mund të jetë fatal dhe surprizat mbeten gjithmonë të mundshme në Kupën e Kombeve të Afrikës.
