Sondazhi: 61% besojnë se inteligjenca artificiale kërcënon të ardhmen e njerëzimit
Zhvillimi i shpejtë i teknologjisë së inteligjencës artificiale mund të rrezikojë të ardhmen e njerëzimit, sipas shumicës së amerikanëve që morën pjesë në një sondazh të Reuters/Ipsos të publikuar sot.
Më shumë se dy të tretat e amerikanëve janë të shqetësuar për efektet negative të AI dhe 61% besojnë se mund të kërcënojë qytetërimin. Ligjvënësit dhe kompanitë aktive në inteligjencën artificiale janë gjithashtu të interesuar: CEO i OpenAI, Tom Altman dëshmoi dje përpara Kongresit të SHBA duke shprehur shqetësimet e tij për potencialin e keqpërdorimit të kësaj teknologjie dhe duke bërë thirrje për marrjen e masave.
“Nuk ka asnjë mënyrë për ta futur këtë xhind në shishe. Po ndodh një shpërthim global,” tha senatori Cory Booker.
Sondazhi i Reuters/Ipsos nxori në pah se shumica e amerikanëve parashikojnë efekte negative nga inteligjenca artificiale. Sipas të dhënave, 61% e të anketuarve besojnë se AI përbën një kërcënim për njerëzimin, ndërsa vetëm 22% nuk janë dakord dhe 17% nuk dhanë asnjë përgjigje.
Ata që kishin votuar për Donald Trump në 2020 u shprehën më të shqetësuar, 70% e votuesve të Trump krahasuar me 60% të votuesve të Joe Biden bien dakord se AI mund të kërcënojë njerëzimin.
Ndërsa amerikanët janë të shqetësuar për inteligjencën artificiale, krimi dhe ekonomia renditen më lart në listën e shqetësimeve për çështjet e përditshme: 77% mbështesin rritjen e fondeve për policinë për të luftuar krimin dhe 82% shqetësohen për rrezikun e recesionit.
Përfaqësuesit e industrisë thonë se qytetarët duhet të kuptojnë më mirë përfitimet e AI.
“Shqetësimet janë shumë të vlefshme, por unë mendoj se ajo që mungon në dialog është pse po e bëjmë të gjithë këtë? AI do të rrisë cilësinë e jetës së njerëzve dhe do t’i ndihmojë ata të bëhen më efikas dhe më kompetent,” thotë Sebastian Thran, një profesor në shkencat kompjuterike në Universiteti Stanford, i cili themeloi Google X.
“Amerikanët ndoshta nuk e kuptojnë se sa shumë inteligjencë artificiale ka depërtuar tashmë në jetën e tyre të përditshme si në shtëpi ashtu edhe në punë,” tha ai.
