Një profesor i një shkolle të mesme në Shkup është arrestuar nga policia nën dyshimin se ka ngacmuar një nxënëse 18-vjeçare.
Sipas informacioneve nga policia, më 9 mars 2026 rreth orës 17:30, zyrtarët policorë nga Sektori për Punë të Brendshme në Shkup kanë privuar nga liria një 52-vjeçar nga Shkupi, i cili punon si mësimdhënës në një shkollë të mesme në komunën Qendër.
Arrestimi është bërë pas një kallëzimi paraprak, sipas të cilit në periudhën nga 25 shkurt deri më 2 mars 2026 ai dyshohet se e ka ngacmuar nxënësen dhe i ka kërkuar të kenë marrëdhënie seksuale.
Nga policia bëjnë të ditur se pas zbardhjes së plotë dhe dokumentimit të rastit do të parashtrohet kallëzim përkatës ndaj të dyshuarit.(INA)
