Pas situatës së krijuar në veri të Kosovës, kreu i ekzekutivit do të mbajë një konferencë për media.
Në njoftimin zyrtar tregohet se kryeministri do të flasë në orën 15:00.
Një konferencë e tillë nuk ishte paralajmëruar më parë gjatë ditës, ndërkohë që njoftimi për mbajtjene saj është dhënë sot rreth mesditës.
Situata në veri të Kosovës ka vazhduar edhe sot të jetë e qetë, por e tensonuar, meqë pjesëtarët serbë të Policisë së Kosovës, kanë braktisur detyrën, duke dorëzuar uniformat dhe armët.
Ndërkohë, edhe punëtorët të gjykatave kanë vazhduar të braktisin vendet e tyre të punës.
Disa orë më parë edhe deputetët e Listës Serbe në Kuvendin e Kosovës, përfshirë edhe ministrin për Kthim e Komunitete, Goran Rakiq, kanë dhënë dorëhqeje nga mandatet e tyre.