Ministri i Punëve të Jashtme i Republikës Federale të Gjermanisë Johan Vadeful më 18 nëntor vjen në Shkup në kuadër të vizitës së tij disaditore në shtetet e Ballkanit Perëndimor, bëri të ditur Ambasada gjermane në vend.
Vadeful fillon turneun e tij në rajon më 16 nëntor, ndërsa përveç Shkupit, do t’i vizitojë edhe Sarajevën, Podgoricën, Tiranën, Beogradin dhe Prishtinën.
Shefi i diplomacisë gjerman do të shoqërohet nga deputetë të Bundestagut gjerman.
“Vizita vjen pas takimit të ministrave të punëve të jashtme në kuadër të Procesit të Berlinit dhe thekson se vendet e Ballkanit Perëndimor paraqesin prioritet në politikën e jashtme të Gjermanisë, theksohet në komunikatën e Ambasadës gjermane.
