Koalicioni i AKI-së në Saraj ka qëndruar në Sfillare të Epërme dhe të Poshtme ku kanë marrë mbështetje të madhe për 19 tetor, njofton Top24
“Sonte në Svillare të Epërme dhe Svillare të Poshtme u dëshmua fuqia e bashkimit dhe besimit në fitore historike!
Në një prezencë madhështore e masovike, u mirëpritëm me entuziazëm, respekt dhe përkrahje të jashtëzakonshme nga banorët e dy fshatrave.
Të pranishëm ishin kandidati për kryetar komune Blerant Ramadani, kryetari aktual dhe bartësi i listës për këshilltarë Iljas Veseli, kandidati për kryetar të Qytetit të Shkupit Skender Rexhepi – Zejd, kryesuesi i listës për Qytetin e Shkupit Abdulselam Selami, kandidatja për këshilltare Nezrane Rustemi, shefi i shtabit komunal Senehat Murtezani si dhe na nderoi me prezencë edhe Rijad Shaqiri.
Së bashku biseduam me qytetarët për projektet që do të transformojnë Komunën e Sarajit dhe për vizionin tonë të përbashkët për zhvillim, barazi dhe dinjitet kombëtar.
Zgjedhjet e 19 tetorit nuk janë vetëm një garë politike ato janë referendum kombëtar, një thirrje për unitet dhe për të ardhmen që e meritojmë!
Energjia e mbrëmjes së sotme e bëri të qartë: fitore e madhe po vjen!”, tha Blerim Bexheti.
