Kryetari i komunës së Studeniçanit, Azem Sadiki, ndërmarrjen komunale Publike “Ujësjellësi dhe Kanalizimi” e quajti ndërmarrjen më të keqe dhe më të papërgjegjshme në Maqedoni, që siç tha, kanë bërë rrejt të ri ujësjellësi në rrugën nr.1 dhe 2 por që ndërmarrja nuk ka bërë kyçjen e amvisërive nga rrjeti i vjetër në rrjetin e ri.
“Ne kemi bërë investim në Studeniçan, komplet kemi bërë rrejt të ri, rrugën nr:1 dhe rrugën nr:2, kur e them këtë. Është gjysma e fshatit Studeniçan dhe Ndërmarrja Komunale Publike, Ujësjellësi dhe Kanalizimi i Qytetit të Shkupit nuk vijnë që të njëjtin rrjet ta vendosin në funksion. Ata duhet ta bëjnë vetëm kyçje e amvisërive nga rrjeti i vjetër në rrjetin e ri. Komplet është i ndërtuar, paramendoni pusetat që i kanë qytetarët, deri aty është vendosur rrjeti, tash ata vetëm matësin e ujit duhet ta vendosin nga rrjeti i vjetër në rrjetin e ri dhe gjithçka të hyjë në funksion duke mos dhënë ata asnjë denarë nga ndërmarrja e vet. Komplet mjetet e siguruara, edhe këtu edhe në të gjitha rastet, ne i sigurojmë si komunë. Dhe ata aq sillen…Nuk e di a ka në Maqedoni ndërmarrje më të keqe dhe më të papërgjegjshme?!”, tha Sadiki.
-Ujësjellësi dhe Kanalizimi?
“Ujësjellësi dhe Kanalizimi, këtë ua them me plot përgjegjësi”, theksoi ai.
