Për shkak të tubimeve parazgjedhore për zgjedhjet presidenciale gjatë kësaj fundjave, në zonën qendrore të qytetit të Shkupit do të vendoset regjim i veçantë i komunikacionit.
Siç informon Ministria e Punëve të Brendshme, sot nga ora 19:00 deri nesër në orën 21:00 në rrugën “Shën. Kiril dhe Metodij” do të vendoset regjim i veçantë i komunikacioni për shkak të mbajtjes së mitingut që do të mbahet nesër në orën 13:00 para selisë së Bashkimit Evropian. Rruga “Shën Kirili dhe Metodij” do të mbyllet për qarkullim nga kryqëzimi me Bul. “Koço Racin” deri në kryqëzimin me “rr. Klementi i Ohrit”.
MPB apelon qytetarët që të respektojnë urdhrat e punonjësve të policisë.
