Marcus Rashford e ka realizuar golin e parë me skuadrën e Barcelonës.
Barça të hënën pasdite në ndeshjen miqësore të zhvilluar në Kore të Jugut e mposhti thellë skuadrën e Daegut me rezultatin 5:0.
Anglezi Rashford e realizoi golin e fundit në minutën e 65-të.
Ai te gjiganti katalunas u transferua muajin e kaluar në formë huazimi nga Manchester Unitedi deri në përfundim të edicionit 2025/26.
Goli i parë u realizua nga Gavi në minutën e 21-të. Gjashtë minuta më pas, Robert Lewandowski, e shënoi golin e dytë. Në minutën e dytë shtesë të pjesës së parë, spanjolli Gavi, e realizoi edhe golin e tretë.
Realizatori i golit të katërt ishte Toni Fernandez në minutën e 54-t.
Barça në ndeshje miqësore e mposhti edhe Seoulin dhe Vissel Koben.
Para fillimit të edicionit të ri, skuadra e madhe spanjolle do ta zhvillojë edhe një miqësore tjetër ndaj Comos më 10 gusht.
