Për herë të 5-të në histori, Real Madrid fiton Superkupën e Evropës, duke kapur në majë Milan dhe Barcelonën. Pas 5 vitesh, Real kthehet të luaj një finale të tillë, përfundimi është sërish i njëjtë duke u rikthyer në Spanjë me trofeun në duar. Ekipi i Carlo Ancelottit mposhti pastër 2-0 Eintracht Frankfurt, një 90-minutësh ku gjermanët luajtën si të barabartë, por dhe këtë herë eksperienca e një ekipi si Real Madrid bëri diferencën.
Pas një fillimi të vrullshëm nga ana e Frankfurt, Real gjeti golin e avantazhit në minutën e 37-të me David Alaba. Për të mbyllur llogaritë me ketë finale mendoi i përhershmi Karim Benzema, francezi dyfishojë shifrat në minutën e 65-të, rezultat që mbeti i pandryshuar deri në fund.
Carlo Ancelotti feston për këtë sukses të rëndësishëm në aspektin personal, fiton për herë të katërt në karrierë Superkupën e Evropës, duke kaluar Pep Guardiolën. Ky ishte trofeu i 23-të personal.
Me golin e realizuar në finale, Karim Benzema shkon në kuotën e 324 finalizimeve me fanellën e Real Madrid, duke kaluar në këtë mënyrë Raul. Që nga fillimi i vitit 2022, Benzema ka realizuar 26 gola në 26 ndeshje. Shifrat e “bomberit” francez janë fantastike duke u afruar gjithnjë e më shumë me “Topin e Artë”.
(BalkanWeb)
