Pas një jave të mbushur me dinamika të forta, debate të ashpra dhe një eliminim të papritur, “Ferma VIP” po bëhet gati për një tjetër natë të nxehtë televizive.
Së fundmi, faqja zyrtare e formatit ka publikuar në rrjetet sociale promon përmbledhëse të spektaklit të radhës, duke paralajmëruar zhvillime kyçe për rrugëtimin e banorëve.
Në qendër të vëmendjes mbetet padyshim Fabjola Elezaj, e cila pas fjalorit ofendues të përdorur pak ditë më parë, do të përballet me pasojat e veprimeve të saj.
Sipas promos, ajo ka marrë një masë disiplinore nga Agai, masë e cila rrezikon seriozisht qëndrimin e saj të mëtejshëm në garë.
Fati i Olës i është besuar plotësisht audiencës.
Për të zbuluar të gjitha të pathënat dhe vendimin përfundimtar, spektakli do të transmetohet mbrëmjen e nesërme, në orën 21:00, në ekranin e Vizion Plus, si dhe përmes transmetimit të drejtpërdrejtë në platformën YouTube.
