Kryetari i degës së ASH-së në Çair, Zudi Enuzi Koka ka reaguar në lidhje me “luftën” e shpallur në rrjetet sociale.
Përmes një postimi në Facebook Koka shkruan se kjo luftë e nxitur nga njerëz dashakeq “nuk na duhet” dhe nëse Alternativa do të bëhet palë me Qeverinë, ato do të jenë në kundërshtim me premtimet që i kanë bërë popullit.
Sipas tij dëshira për të qëndruar bashkë është e madhe, pasi dhe vetë populli e do këtë gjë.
“Lufta facebookiane e nxitur nga njerëz dashakeq nuk na duhet, edhe nëse Alternativa bëhet pjesë e Qeverisë, ky vendim sigurisht do të jetë në kundërshtim me vetveten dhe atë se çka i kanë premtuar popullit. Do të kishim dashur që të qëndronin në koalicion me ne dhe të vazhdojmë të luftojmë së bashku për rrëzimin e kësaj qeverie. Mos të harrojmë se populli na duan të bashkuar”, shkruan ai.