Kryetari i Bashkimit Demokratik për Integrim, Ali Ahmeti ka përkujtuar sot veprimtarin dhe intelektualin e shquar, Adem Demaçin në pesë vjetorin e ndarjes së tij nga jeta.
Ahmeti shkruan se shembulli i bacës Adem mbetet udhërrëfyes për kauzën kombëtare, ashtu siç ishte vepra e të ndjerit për një Kosovë të lirë dhe të pavarur.
Statusi i plotë:
Bac, vitet kalojnë, por kujtimi për ty dhe madhështinë e veprës tënde kombëtare jeton ndër ne si udhërrëfyesi më i ndritshëm i veprimit në shërbim të avancimit të mëtejshëm të kauzës sonë kombëtare.
I kujtoj gjithmonë me mall vitet tona të bashkëveprimit kombëtar për Kosovën e lirë dhe të pavarur.
Lavdi e përjetshme veprës kombëtare të Adem Demaçit!
