Gjithçka po bëhet gati për spektaklin që premton të jetë një ngjarje e madhe televizive e cila shikohet kudo ku ka shqiptarë.
“Po kalojmë mirë, natyrisht me pak orë gjumë, me shumë orë lodhje dhe djersë. Shpresoj që moti të mbajë sepse ndryshe nga herët e tjera jemi pak të prekur nga kushtet atmosferike,” shtoi ai. Teksa përmendi hapjen e dy studio, ai theksoi se për herë të parë do të kishte mundësi për publikun të marrë pjesë drejtpërdrejtë në spektakël.
“Do të ketë shumë surpriza këtë vit! Ndryshe nga edicionet e mëparshme, surprizat nuk do të lidhen vetëm me finalistët, por do të përfshijnë performanca nga artistë të njohur dhe të rinj, të cilët do të kontribuojnë për të bërë këtë natë edhe më speciale.”
Pjesëmarrja e artistëve bën që ky event të shndërrohet në një koncert të vërtetë, ku ndjekësit do të kënë mundësi të dëgjojnë hitet më të njohura të këtij sezoni dhe të krijojnë atmosferë feste për 6 orë rresht.
“Biletat mund t’i gjeni lehtësisht online, gjithçka është modernizuar. Për ata që preferojnë blerjen fiziike, kanë dy mundësi ku mund të shkojnë, zyrat në Kashar dhe Arena Center. Çmimi i biletës është simbolik, pasi qëllimi ynë është t’i bashkojmë të gjithë ne që kemi jetuar këtë përvojë.”
“Së fundi, dua të theksoj se publiku ka qenë një tifoz i jashtëzakonshëm për çdo banor. Kjo tifozëri ka qenë ndër më të mirat në të gjitha edicionet, dhe ne jemi të emocionuar për finalen e madhe,” përfundoi Ledioni.
