Presidenti i vendit Stevo Pendarovski, sot ka lavdëruar retorikën e kryeministrit të ri bullgar Kirill Petkov, e madje duke e krahasuar atë me Nelson Mandellën.
Sipas Pendarovskit, Petkov dallon shumë nga politikanët e përbërjes së kaluar qeveritare bullgare, informon Zhurnal.
“T’iu them sinqerisht, nga ajo që e dëgjo nga Petkov, javëve të fundit pasi është bërë kryeministër i Bullgarisë, sikur flet Nelson Mandella, nëse e krahasoni me atë çfarë flisnin disa ministra nga qeveria e Bojko Borisovit. Kishim ofendime ndaj neve si popull dhe si komb”, tha Pendarovski para gazetarëve.
Sipas shefit të shtetit, Petkov qëndron brenda kornizave të tij dhe nuk e përkeqëson situatën në marrdhënie, edhe pse duhet të manovrojë edhe me kontekstin e brendshëm politik të Bullgarisë.
