Komuna e Aerodromit kërkon të kthejë emrat e vjetër të rrugëve në territorin e saj.
Këshilli i komunës thotë se nisma vjen me kërkesë të drejtpërdrejtë të qytetarëve, pasi në vitin 2021 në lagjen Lisice u emërtuan mbi 80 rrugë, gjë që shkaktoi një kaos të vërtetë me dhënien e kartave të identitetit për qytetarët.
“Realisht gjatë kësaj periudhe po ndodh kaos si nga ana e shërbimeve postare ashtu edhe nga ana e vizitorëve që e kanë problem serioz të gjejnë rrugët me emrat e rinj, përveç ndryshimit administrativ që u bë, përbën edhe një barrë qytetarët të ndryshojnë dokumentet e tyre personale. Tabelat e vjetra janë në vend, kështu që shpresoj që Qyteti i Shkupit ta shqyrtojë këtë iniciativë sa më shpejt.” – thotë Dejan Miteski, kryetar i Këshillit të Komunës së Aeroportit.
Komuna e Butelit në fund të muajit të kaluar të njëjtën kërkesë ia ka dorëzuar kryetares Danela Arsovska. Kryetari Darko Kostovski tha se iniciativën e ka dorëzuar pasi ai dhe Komuna kanë pranuar një numër të madh të iniciativave nga qytetarët.
“Kemi dërguar një propozim për kthimin e emrave. Qytetarët parashtruan iniciativë, ajo iniciativë nuk është në kompetencën tonë, mbetet siç do të vendosë Qyteti i Shkupit.” – thotë Darko Kostovski, kryetar i Komunës së Butelit.
Nga Qyteti i Shkupit nuk ka përgjigje nëse do ta pranojnë iniciativën e komunave dhe a do të kthehen emrat e vjetër të rrugëve.
