Sindikata dhe qeveria nuk ranë dakord për rritjen e pagave në sektorin publik. Nga Lidhja e Sindikatave të Maqedonisë bëjnë të ditur se metodologjia e propozuar për rritjen e pagave në sektorin publik është e papranueshme për ta. Sipas kësaj metodologjie, pagat e punonjësve të sektorit publik do të rriteshin me 20 për qind, por në 5 vjet. E njëjta situatë është edhe në sektorin privat, ku pakënaqësia e punëtorëve është rritur jo vetëm për shkak të inflacionit, por edhe për shkak të rritjes së pagave të zyrtarëve me 78 për qind.
– Sipas asaj që ofron Qeveria, paga minimale në sektorin publik nga 20.200 sa është tani, deri më 1 janar 2028 do të arrijë në 26.300 denarë. Brenda natës zyrtarët i rritën rrogat me 78 për qind, e tona do t’i rrisin 20 për qind, por pas 5 vitesh. Nga ana tjetër, askush nuk mund të parashikojë inflacionin dhe rritjen e kostos së jetesës. Kështu, për shembull, edhe nëse kemi inflacion prej 2-3 për qind, kjo rritje nuk do ta mbajë fuqinë blerëse të fuqisë punëtore – thotë Peshevski.
Sindikata nuk sheh rrugëdalje nga kriza duke importuar fuqi punëtore. Shpëtim nga mungesa e punëtorëve duke importuar punëtorë nga jashtë e sheh vetëm Qeveria dhe punëdhënësit, të cilët janë fajtorë për ndjekjen e punëtorëve nga shteti vite më parë, për shkak të kushteve të këqija dhe pagave të ulëta.
Ndaj SSM apelon shtetin që të mos lehtësojë kushtet për importimin e punëtorëve, por të krijojë politika së bashku me partnerët socialë për të ruajtur fuqinë punëtore vendase dhe për të siguruar kushte dhe paga dinjitoze.
Qeveria thotë se pagat e punonjësve në sektorin publik do të përcaktohen përmes Ligjit për paga, i cili do të përcaktojë rregullat sipas të cilave do të rregullohen pagat në institucionet publike në të ardhmen, si dhe përmes marrëveshjes së përgjithshme kolektive, e cila do të përmbajë metodologjia për zgjidhjen sistematike të dinamikës së rritjes së pagave të punonjësve në sektorin publik.
Ministri i Financave, Fatmir Besimi, thekson se miratimi i Ligjit për paga është një proces më afatgjatë që do të përfundojë edhe miratimin e marrëveshjes së përgjithshme kolektive, e cila përmban metodologjinë për rritjen e pagave të punëtorëve në sektorin publik.
