LajmeTopLajm

Osmani me shefin e zyrës së BE-së, diskutohet nevoja e madhe për sigurimin e vaksinës anti-Covid

U.d. presidentja e Kosovës, Vjosa Osmani priti në takim shefin e Zyrës së BE-së në Kosovë, Tomas Szunyog.

Me këtë rast, Szunyog e uroi Osmanin edhe njëherë me rastin e përvjetorit të Pavarësisë së Republikës së Kosovës, si dhe e përgëzoi Osmanin për rezultatin në zgjedhjet parlamentare.

“Palët diskutuan për rëndësinë e madhe që ka themelimi sa më i shpejt i institucioneve me qëllim të sigurimit të stabilitetit në vend. Po ashtu, të dy palët u dakorduan që kjo do të ndihmonte shumë edhe qasjen efektive në trajtimin serioz të situatës me pandeminë dhe angazhimin për ringritje ekonomike”, thuhet në njoftimin e presidencës.

Në këtë drejtim, theks i veçantë gjatë takimit është vënë në sigurimin sa më të shpejtë të vaksinës.

Me këtë rast, u.d. Presidentja Osmani ritheksoi rëndësinë që ka bashkëpunimi sa më konkret me BE-në dhe vendet anëtare të BE-së për sigurimin e vaksinës në një kohë sa më të shkurtër.

“U.d. Presidentja Osmani e falënderoi BE për rolin mbështetës të BE-së në procesin e zgjedhjeve, si dhe theksoi që tash është e rëndësishme që të sigurohemi që të respektohet vullneti i qytetarëve. Ajo e siguroi  Szunyog që orientimi zhvillimor do te jetë i fokusuar në investime në fusha si sundimi i ligjit, punësimi, shëndetësia, arsimi, mjedisi, si dhe digjitalizimi”, bëhet e ditur në njoftim

 

Related Articles

Back to top button
Close
Close