LajmeMaqedoniTopLajm

“Ora e planetit Tokë”, në errësirë do të jenë më shumë lokacione në Shkup dhe në Ohër

Shteti ynë do të përfshihet për herë të 12-të në kremtimin e aksionit më të madh mjedisor në botë “Ora e planetit Tokë”. Këtë vit, “Ora e planetit Tokë” do të zhvillohet të shtunën, kur më shumë se 8.000 qytete në mbi 180 shtete të botës do t’i fikin dritat në ora 20:30.

Si pjesë e aksionit, në disa lokacione në Shkup dhe në Ohër do të zhyten në errësirë, duke përfshirë edhe vilën presidenciale “Vodno”, Qeverinë, sheshin e qytetit “Maqedonia”, të gjitha ndërtesat dhe urat përgjatë kejit të lumit Vardar, Kalaja e Shkupit, porta triumfale “Maqedonia”, parqet në komunat e Shkupit, Aerodrom dhe Karposh, ndërsa në Ohër ndër më tërheqëset janë Kalaja Samoil, keji “Maqedoni” dhe kishat “Shën Sofia”, Plaoshnik dhe Kaneo.

Duke filluar si një ngjarje simbolike në Sidnei në vitin 2007, “Ora e planetit Tokë” tani po festohet në më shumë se 180 vende dhe territore si një moment global i solidaritetit për planetin. Ndërsa veprimi udhëton nëpër zonat kohore, miliona njerëz në të gjithë botën do të bashkohen praktikisht duke dërguar një mesazh solidariteti me problemet me të cilat përballet planeti Tokë.

Këtë vit, aksioni do të shënohet virtualisht, duke mbajtur konferencën e parë digjitale të klimës në vend nën moton “A po e rikthen goditjen natyra?”.

Artikuj të ngjashëm

Back to top button
Close
Close