Ajza është vajza e parë që ka lindur në 2023 në Tetovë. E këtë lindje të parë kreu i komunës së Tetovës, Bilall Kasami e ka shpërblyer me 40 mijë denarë një dhuratë nga komuna e Tetovës, përcjell Top24
Kasami tha se familja Fazlija ka bërë donacion 5 inkubator për fëmijet.
“Në spitalin e Tetovës me bashkëshorten time, vizituam banorin më të ri të Tetovës – është vajzë (Ajza). Sipas mjekëve kujdestar, fëmija së bashku me nënën janë në gjendje të mirë shëndetësore, ku nga ana e komunës dhuruam një vauçer prej 40.000,00 denarëve.
Një tjetër lajm i mirë është edhe një donancion me 5 Inkubatorë nga familja Fazlija në bashkëpunim me “MarmoFix” dhe komunën e Tetovës për spitalin e qytetit më konkretisht, repartin gjinekologjik.
Uroj për një vit plotë shëndet dhe harmoni në familjet tuaja.
Gëzuar!”
