Vendimi i Prokurorisë për Ndjekjen e Krimit të Organizuar dhe Korrupsionit që të mos ndjekë penalisht një pjesë të policëve për lidhje të drejtpërdrejtë me vdekjen e 63 të rinjve, u bë një argument shtesë për avokatët e disa prej të akuzuarve në procesin gjyqësor për tragjedinë e Koçanit, i cili tashmë është në zhvillim.
Në këtë proces, të 35 të akuzuarit ndiqen penalisht për vepra të rënda kundër sigurisë së përgjithshme, në lidhje me shkaktimin e rrezikut të përgjithshëm me pasoja vdekjeprurëse, përkatësisht akuzohen se janë përgjegjës për vdekjen e të rinjve.
