Moska u vu në lëvizje pas lajmit se një anije e marinës amerikane “Arleigh Burke” kishte hyrë në ujërat ruse në Lindjen e Largët dhe menjëherë është paralajmëruar se do të goditet.
“Anija sulmuese antinëndetëse e Flotës së Paqësorit, Admiral Vinogradov përdori një kanal ndërkombëtar komunikimi për të paralajmëruar anijen e huaj se veprime të tilla ishin të papranueshme. Pasi iu dha paralajmërimi dhe anija ruse ndryshoi kursin e saj, anija amerikane u kthye në ujërat ndërkombëtare”, thuhet në deklaratë.
Ndërkohë, Flota Amerikane e Paqësorit nuk dha detaje mbi incidentin por tha vetëm se anija amerikane “shfrytëzoi të drejtat dhe liritë e lundrimit”. Incidente të tilla janë raportuar nga Rusia shpesh në vitet e fundit, që prej kohës kur marrëdhëniet me Shtetet e Bashkuara dhe Bashkimin Evropian u përkeqësuan pas aneksimit të Krimesë në Ukrainë nga ana e Moskës në 2014, e cila i ofroi mbështetjen e saj separatistëve në lindje të Ukrainës.
Top Channel