Në kuadër të vizitës zyrtare në Turqi, pata kënaqësinë të kaloj një pasdite fantastike me studentët tanë që studiojnë këtu në Ankara. E ardhmja jonë duket kaq premtuese kur sheh djem e vajza plot energji, ide të mëdha dhe dashuri për vendin. Të frymëzojnë!
Diskutuam për gjithçka – nga arsimi dhe inovacioni, te mundësitë e punësimit dhe partneritetet që ne, si Qeveri, synojmë
të zhvillojmë për të përmirësuar tregun e punës për ta, kur të kthehen në vendlindje.
Ky është misioni ynë: të ndërtojmë një të ardhme që bazohet në dijen dhe pasionin e tyre. Krenar për këta të rinj e të reja – jemi me fat që i kemi!
