Ministri i shëndetësisë së RMV, Fatmir Mexhiti sot ka marrë pjesë në hapjen solemne të Qendrës së re të Transplantit të Qelizave Staminale Hematopoetike në Klinikën e Hematologjisë, ku falenderuar Ambasadën Amerikane për këtë investim, shkruan Top24
Sot lançuam Qendrën e re të Transplantit të Qelizave Staminale Hematopoetike në Klinikën e Hematologjisë. 
Falenderim të veçantë për Ambasadën Amerikane për këtë investim.
Partneri ynë më i madh strategjik, përmes Komandës Evropiane të Ushtrisë Amerikane, e ka mbështetur financiarisht ndërtimin me një milion euro. Fondet shtesë sigurohen nga FSSH me mbështetjen e Ministrisë së Shëndetësisë dhe Qeverisë. Me repartin e ri ne ofrojmë kushte trajtimi që ofrohen nga qendrat më bashkëkohore. Vazhdojmë edhe më tej të ndryshojmë për mirë situatën në shëndetësinë publike.
