Zjarret e fuqishme në Spanjë dhe Francë kanë sjellë evakuimin e mbi 65 mijë vetëve, ndërsa autoritetet në Spanjë kanë deklaruar se zjarri i madh pranë Madridit është jashtë kontrollit. Carlos Novillo, drejtuesi i menaxhimit të sinjalizimeve emergjente në rajonin e Madridit, raportoi se zjarri ka arritur intensitetin më të lartë dhe se përpjekjet e ekipeve zjarrfikëse janë të pamjaftueshme për ta neutralizuar.
Ai tregoi se flakët po drejtohen drejt zonave Robledo de Chavela dhe Fresnedillas de la Oliva, rreth disa dhjetëra kilometra larg Madridit. Banorëve aty u është kërkuar të evakuohen menjëherë. Novillo ka theksuar se për momentin është e pamundur të përballohen zjarret në atë rajon, duke theksuar rëndësinë e masave mbrojtëse.
Nga autoritetet bëhet e ditur se rreth 25 mijë persona në Spanjë janë detyruar të largohen, ndërkohë që më shumë se 20 mijë të tjerë janë udhëzuar të qëndrojnë brenda për shkak të rrezikut nga zjarri dhe tymi. Në Francë, në pjesën jugperëndimore gjatë dy ditëve të fundit, më shumë se 44 mijë individë janë larguar nga rajoni i Gironde për shkak të një zjarri të madh.
