Manchester United synon të përmirësojë ndjeshëm situatën e pagave të tyre duke ulur pagat e shumë lojtarëve për sezonet në vazhdim.
Sipas mediumit ESPN, Djajtë e Kuq u kanë dhënë katër lojtarëve një ultimatum të matur për të ardhmen e tyre nëse nuk nënshkruajnë kontrata të reja me paga të reduktuara.
Të tillë si Harry Maguire, Aaron Wan-Bissaka, Scott McTominay dhe Victor Lindelof po kalojnë të gjithë në vitet e fundit të kontratave të tyre në Old Trafford.
Megjithatë, hierarkia e re e ka bërë të qartë se nëse nuk pranojnë shkurtime pagash – të katërve nuk do t’u jepen marrëveshje të reja.
Në vend të kësaj, ata mund të shiten të gjithë këtë verë pasi klubi nuk dëshiron t’i shohë ata të largohen si lojtar të lirë.
Maguire dhe McTominay kanë qenë veçanërisht të fortë në muajt e fundit, me qendërmbrojtësin që ka prodhuar paraqitje të admirueshme dhe mesfushori ka shënuar 10 gola këtë sezon.
Ndërkohë, Wan-Bissaka dhe Lindelof thuhet se të dy po tërheqin vëmendjen nga klubet e tjera dhe mund të shiten nëse nuk bien dakord me kushtet e reja të vendosura nga klubi.
