Malajzia do të ndërtojë një park masiv për projektimin e çipave
Një lojtar i shquar në industrinë e gjysmëpërçuesve për dekada, Malajzia, mbulon rreth 13 për qind të prodhimit global, sipas gjigantit gjerman të teknologjisë, Bosch.
Por, tani ajo dëshiron të shkojë përtej prodhimit dhe të paraqitet si një central elektrik i dizajnit të çipave, ka njoftuar kryeministri i Malajzisë, Anwar Ibrahim.
Kryeministri njoftoi se parku do të vendoset në Selangor, pa ofruar asnjë detaj mbi koston dhe afatin kohor.
Ndryshe, ky projekt do të shënojë një hap të rëndësishëm për Malajzinë e cila prej kohësh ka qenë qendër e prodhimit të çipave, me ishullin verior të Penangut ku ka një numër objektesh.
Tensionet midis Uashingtonit dhe Pekinit mbi teknologjinë e përparuar e veçanërisht atë të çipave, kanë detyruar shumë kompani të kërkojnë zhvendosjen e tyre nga Kina në vende tjera, përfshirë Malajzinë, Vietnamin dhe Indinë.
Megjithatë, qeveria e Malajzisë po ndjek në mënyrë aktive investimet në industrinë e saj të gjysmëpërçuesve në një përpjekje për të rritur këtë sektor.