Partia opozitare maqedonase LSDM, në një kumtesë për media thotë se “përpjekjet e VMRO-DPMNE-së për t’i paraqitur kuadrot e reja të LSDM-së si të vjetër dhe të shpenzuar nuk janë gjë tjetër veçse një sulm i kotë që pasqyron frikën e tyre nga ndryshimet reale që po ndodhin në LSDM”.
Nga LSDM thonë se me këtë lloj retorikë, partia në pushtet tregon edhe një herë se është e paaftë për të ofruar zgjidhje për problemet e qytetarëve.
“Zgjedhja e kryesisë së re të LSDM-së është dëshmi e freskim, energji të re dhe vizion të fortë për të ardhmen. Po flasim për profesionistë me integritet, që nuk kanë bagazh politik dhe që përfaqësojnë socialdemokracinë moderne. Sulmet e VMRO-DPMNE-së vetëm sa konfirmojnë nervozizmin e tyre para se ky hap i fortë dhe vendimtar i LSDM-së të hedhë themelet për një veprim të ri politik më të fuqishëm”.
“LSDM do të vazhdojë të ndërtojë një parti të re dhe progresive, e cila do të jetë afër anëtarëve, simpatizantëve dhe qytetarëve të saj, pa marrë parasysh përpjekjet e dëshpëruara të VMRO-DPMNE-së për të prishur këtë proces”, thonë nga LSDM.
