Në zyrën e Avokatit të Popullit, të dielën (më datë 31 tetor), në ditën e mbajtjes së rrethit të dytë të Zgjedhjeve lokale në periudhën nga ora 07:00 deri në ora 19:00 do të funksionojë linja telefonike falas: 0800-54321, në të cilën qytetarët do të mund të denoncojnë çdo lloj shkelje të së drejtës zgjedhore.
Së këtejmi, për qytetarët do të jenë të hapura të gjitha shtatë zyrat e Avokatit të Popullit në: Shkup, Manastir, Kërçovë, Kumanovë, Strumicë, Tetovë dhe Shtip, me qëllim që t’u ndihmohet në realizimin dhe mbrojtjen e të drejtave të tyre zgjedhore.
Qytetarët, përveç që mund të drejtohen në linjën telefonike falas, për mbrojtjen e të drejtave të tyre do të mund të lajmërohen edhe në këto numra të telefonave: Tetovë: 044/344-082, Strumicë: 034/329-996, Kërçovë: 045/228-586, Manastir: 047/242-310, Shtip: 032/389-701, dhe Kumanovë: 031/431-488.
Avokati i Popullit, të drejtat e qytetarëve do t’i mbrojë me marrjen e masave urgjente për veprim efektiv nga ana e organeve kompetente në procesin zgjedhor dhe institucioneve të tjera të cilat e kanë për detyrë të sigurojnë mbrojtjen e të drejtave të tyre të garantuara.
Avokati i Popullit, edhe me këtë rast, potencon se, e drejta e zgjedhjes është e drejtë e cila garantohet me Kushtetutë si e barabartë, e përgjithshme dhe e drejtpërdrejt dhe realizohet në zgjedhje të lira, me votim të fshehtë dhe askush nuk guxon të thirret në përgjegjësi për shkak të realizimit të kësaj të drejte, prandaj jo rastësisht shkelja e lirisë së përcaktimit të zgjedhësve, si dhe shkeljet e tjera të së drejtës së zgjedhjes janë vepra të ndëshkueshme. Gjithashtu, Avokati i popullit u bën thirrje të gjithë faktorëve në procesin zgjedhor t’i respektojnë protokollet shëndetësore të përcaktuara për mënyrën e votimit.
