Kryeministri në detyrë, Albin Kurti, edhe këtë herë ka shmangur gazetarët, duke mos dhënë asnjë deklaratë para nisjes së seancës së radhës për konstituimin e Kuvendit të Kosovës.
Ashtu si në daljet e fundit publike, Kurti kaloi pranë mediave pa u ndalur, pak minuta para vazhdimit të tetë të seancës konstituive të Kuvendit, ku pritet të diskutohet për hapat e mëtejshëm institucionalë.
Refuzimi i vazhdueshëm për t’iu përgjigjur pyetjeve të gazetarëve po ndodh në një moment të ndjeshëm politik, kur vendi ndodhet në bllokadë për zgjedhjen e kryetarit të Kuvendit dhe formimin e institucioneve të reja.
