LajmeRajon

Konjufca takoi Krasniqin dhe Shalën në Hagë! Nesër pritet të takojë Thaçin dhe Veselin

Kryetari i Kuvendit të Kosovës, Glauk Konjufca ka zhvilluar këtë të shtunë takim me Jakup Krasniqin dhe Pjetër Shalën të cilët po mbahen në paraburgim në Dhomat e Specializuara të Kosovës.

Siç bëhet e ditur ai më vonë do të takohet me Rexhep Selimin, ndërkaq të dielën me Hashim Thacin dhe Kadri Veselin.

“Sot bashkë me kryeparlamentarin Konjufca filluam vizitat në Hagë, takuam ish-kryeparlamentarin Jakup Krasniqi e Pjetër Shalën, pas drekës takojmë gjeneral Rexhep Selimin. Kurse nesër ish-presidentin Hashim Thaçi dhe ish-kryeparlamentarin Kadri Veseli, e poashtu edhe të dënuarit nga shoqata e veteranëve të luftës Hysni Gucati e Nasim Haradinaj”, ka shkruar në profilin e tij, Ilir Kërceli, këshilltar i Konjufcës.

“Ne besojmë fuqishëm në pastërtinë e luftës çlirimtare të popullit tonë në krye me UÇK-në. Sikundër jemi të bindur se adresa e krimeve barbare dhe gjenocidit mbi popullin tonë është Serbia agresore, e pandëshkuar deri më tani”.

“Të bashkuar me njëri tjetrin mbrojmë historinë e vendit tonë”, ka shtuar ai.

Related Articles

Back to top button
Close
Close