Pasi u njoftua se tre avionë luftarakë amerikanë do të fluturojnë sot mbi territorin e Bosnje dhe Hercegovinës në prag të festimit të ditës antikushtetuese të Republikës Serbe, Radovan Kovaçeviq nga Aleanca e Social Demokratëve të Pavarur (ASDP) njoftoi se Republika Serbe ka një përgjigje.
ASDP-ja është partia që qeveris me Republikën Serbe, e udhëhequr nga Millorad Dodik.
“Si përgjigje ndaj aviacionit tuaj dhe aeroplanëve kërcënues F-16, ne do të lëshojmë aviacionin tonë – mbi një milion avionë letre të mbushur me dashuri për vendin tonë, historinë tonë, atdheun tonë, republikën tonë,” tha Kovaçeviq.
Ai beson se e vetmja arsye që amerikanët të fluturojnë avionët e tyre luftarakë është që t’ia tregojnë “Republika Serbe të vogël muskujt e tyre të mëdhenj”.
“Muskujt tuaj janë të mëdhenj, por dashuria jonë është më e madhe se të gjithë muskujt!”, tha Kovaçeviq.
