Këshilli Gjyqësor nesër do të mbajë seancë për zgjedhjen e presidentit të ri, pasi ish-kryetarja Vesna Dameva dha dorëheqje një muaj më parë. Zgjedhjet u shtynë për shkak të nevojës për të plotësuar përbërjen me dy anëtarë të rinj nga radhët e gjyqtarëve, shkruan Top24
Kryetari dhe zëvendësi i Këshillit zgjidhen nga anëtarët me të drejtë vote, me të paktën tetë vota të nevojshme. Këshilli ka 15 anëtarë, tetë prej të cilëve zgjidhen nga radhët e gjyqtarëve, pesë nga Kuvendi, ndërsa anëtarë pa të drejtë vote sipas detyrës zyrtare janë Ministri i Drejtësisë dhe Kryetari i Gjykatës së Lartë.
Në dhjetor të vitit të kaluar Këshilli u plotësua nga gjyqtarët Ariton Ala dhe Danka Ristova. Anëtarët e tjerë janë zgjedhur në vitet e mëparshme, duke përfshirë tre me propozimin e Presidentit të Shtetit.
Në dhjetor, Kuvendi votoi një raport negativ për punën e Këshillit, i cili ngriti pikëpyetje për mundësinë e shkarkimit të anëtarëve të zgjedhur nga Kuvendi.
