Zëvendëskryeministri dhe ministri i Mbrojtjes, Krasimir Karakachanov pas takimeve të djeshme me delegacionin e Maqedonisë sot deklaroi se s’ka dallime në Bullgari sa i përket politikës ndaj Maqedonisë së Veriut.
“S’ka dallime mes kryeministrit Boyko Borissov, ministres së MPJ-së Ekaterina Zakharieva dhe unë”, tha Karakachanov.
Ai foli edhe për bisedimet që janë bërë dje nga ora 10 deri në orën 5.
“Kolegët nga Maqedonia e kuptuan se Bullgaria nuk po tallet. Ata kuptuan se nuk ka kush na bën trysni për ta ndryshuar qëndrimin tonë”, tha Karakachanov.
Ai shtoi se Bullgaria do të vazhdojë ta mbështesë Maqedoninë dhe se e vetmja perspektivë normale e RMV-së është integrimi evropian.
Karakachanovthotë se Maqedonia dhe elita politike në Shkup kanë humbur 30 vite.
“S’ka kush të bëjë trysni ndaj nesh. Nuk do të lejojmë falsifikim të historisë bullgare. Bullgare është vend me sovranitet dhe me dinjitet”, tha Karakachanov.
